January 26, 2020

Language:

​សិក្ខាសាលា​ស្តីពី​ “​ការ​វាស់​ស្ទង់​ក​ម្រិ​ត​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ ​របស់​សហគ្រាស​មីក្រូ​-​ធុន​តូច​ ​និង​មធ្យម​”

​រាជធានី​ភ្នំពេញ​៖​ ​ព្រឹក​ថ្ងៃពុធ​ ​១​៣​រោច​ ​ខែ​ស្រាពណ៍​ ​ឆ្នាំ​កុរ​ ​ឯកស័ក​ ​ព​.​ស​.​២​៥​៦​៣​ ​ត្រូវនឹង​ថ្ងៃ​ទី​២​៨​ ​ខែ​សីហា​ ​ឆ្នាំ​២​០​១​៩​ ​នៅ​ទីស្តីការ​ក្រសួង​ ​លោក​ ​មាស​ ​កុសល​ ​អគ្គនាយក​រង​ ​តំណាង​ ​ឯកឧត្តម​ ជុ​ន​ ​វ៉ា​ត​ ​អគ្គនាយក​នៃ​អគ្គនាយកដ្ឋាន​បច្ចេកវិទ្យា​គមនាគមន៍​ ​និង​ព័ត៌មាន​ ​នៃ​ក្រសួងប្រៃសណីយ៍និងទូរគមនាគមន៍​ ​បាន​អញ្ជើញជាអធិបតីក្នុងសិក្ខាសាលា​ស្តីពី​ “​ការ​វាស់​ស្ទង់​កំរិត​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​សម្រាប់​សហគ្រាស​មីក្រូ​-​ធុន​តូច​និង​មធ្យម​”​។​ ​សិក្ខាសាលា​នេះ​ត្រូវ​បាន​រៀបចំ​ឡើង​ដោយ​ ​នាយកដ្ឋាន​ឧស្សាហកម្ម​បច្ចេកវិទ្យា​គមនាគមន៍​ ​និង​ព័ត៌មាន​ ​សហការ​ជាមួយ​នាយកដ្ឋាន​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ ​ក្រោម​ការ​គាំទ្រ​ដោយ​ក្រសួង​ប្រៃសណីយ៍​ ​និង​ទូរគមនាគមន៍​ ​ដោយមាន​ការចូលរួម​ពី​ ​ក្រសួង​-​ស្ថាប័ន​រាជរដ្ឋាភិបាល​, វិ​ស័យ​ឯកជន​, ​គ្រឹះស្ថាន​ធនាគារ​ ​និង​ហិរញ្ញវត្ថុ​ ​និង​សហគ្រាស​មីក្រូ​-​ធុន​តូច​ ​និង​មធ្យម​ ​ដោយមាន​សិក្ខាកាម​សរុប​ប្រមាណ​ ​១​៥​០​រូប​ ​។​

 

​ក្នុង​ឱកាស​នោះ​ដែរ​ ​លោក​ ​មាស​ ​កុសល​ ​បាន​លើកឡើង​ថា​ ​រាជរដ្ឋាភិបាល​កម្ពុជា​នីតិកាល​ទី​៦​ ​នៃ​រដ្ឋសភា​ ​បាន​ចាត់​ទុក​ការ​អភិវឌ្ឍ​សេដ្ឋកិច្ច​ឌី​ជី​ថល​ជា​វិ​ស័​យ​អាទិភាព​យ៉ាង​ ​សំខាន់​មួយ​សម្រាប់​ការ​អភិវឌ្ឍ​ប្រទេស​ដូចដែល​មានកំណត់​នៅ​ក្នុង​យុទ្ធសាស្ត្រ​ចតុ​កោណ​ដំណាក់កាល​ទី​៤​។​ ​នៅ​ក្នុង​ចតុ​កោណ​ទី​៣​ ​ការ​អភិវឌ្ឍ​វិ​ស័​យ​ឯកជន​ ​និង​ការងារ​ ​ក្នុង​មុំ​ទី​២​ ​ការ​លើកស្ទួយ​សហគ្រាស​ ​ធុន​តូច​ ​និង​មធ្យម​ ​និង​សហគ្រិន​ភាព​ ​រាជរដ្ឋាភិបាល​បាន​ដាក់​ចេញ​នូវ​យុទ្ធសាស្ត្រ​មួយ​ចំនួន​ដើម្បី​បន្ត​ពង្រឹង​ការ​អភិវឌ្ឍ​ ​និង​ធ្វើ​ទំនើបកម្ម​សហគ្រាស​ធុន​តូច​ ​និង​មធ្យម​ ​ដោយ​រួម​មានការ​ផ្សព្វផ្សាយ​ ​និង​បញ្ជ្រាប​បច្ចេកវិទ្យា​ថ្មីៗ​ផង​ដែរ​។​ ​វិធានការ​គោល​នយោបាយ​ជាក់លាក់​មួយ​ចំនួន​ត្រូវ​បាន​ដាក់​ចេញ​ដែល​ជា​ផ្នែក​មួយ​នៃ​ការ​ជ​ម្រុ​ញ​សេដ្ឋកិច្ច​ឌី​ជី​ថល​ដោយ​រួម​មាន​ ​១​/​ការ​បង្កើត​ធនាគារ​S​ME​s ​២​/​ការ​បង្កើត​មូល​និង​អភិវឌ្ឍន៍​ជំនាញ​ ​៣​/​ការ​បង្កើត​មជ្ឈមណ្ឌល​បណ្តុះ​ធុរកិច្ច​ថ្មី​ “តេជោ” ​និង​ ​៤​/​ការ​បង្កើត​មូលនិធិ​អភិវឌ្ឍន៍​សហគ្រិន​ភាព​។​ ​ជាមួយគ្នា​នេះ​ផង​ដែរ​ ​រាជរដ្ឋាភិបាល​បាន​ដាក់​ចេញ​នូវ​គោល​នយោបាយ​ក្នុង​ការរៀបចំ​ខ្លួន​សម្រាប់​សេដ្ឋកិច្ច​ឌី​ជី​ថល​ ​និង​ឆ្លើយតបនឹង​បដិវត្តន៍​ឧស្សាហកម្ម​ទី​៤​ ​ជាមួយនឹង​ការ​អភិវឌ្ឍ​សមត្ថភាព​របស់​សហគ្រាស​ ​ធុន​តូច​ ​និង​មធ្យម​ដោយ​ជ​ម្រុ​ញ​ ​និង​លើកទឹកចិត្ត​ឱ្យ​មាន​ការប្រើប្រាស់​ប្រព័ន្ធ​ឌី​ជី​ថល​ក្នុង​អាជីវកម្ម​របស់​ខ្លួន​។​

​លោក​បាន​បន្ត​ថា​ ​សិក្ខាសាលា​នេះ​ ​គឺជា​ផ្នែក​មួយ​នៃ​ផែនការ​ធ្វើ​ឱ្យ​ប្រសើរ​ឡើង​នូវ​ភាព​រួចរាល់​ផ្នែក​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ ​ដោយ​ផ្តោត​ទៅលើ​ការ​ពង្រឹង​សមត្ថភាព​ធនធានមនុស្ស​ ​និង​អង្គភាព​តាមរយៈ​ការ​ធ្វើ​ស្វ័យ​វាយ​តម្លៃ​ទៅលើ​ក​ម្រិ​ត​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​ដោយខ្លួនឯង​។​ ​ជាមួយគ្នា​នេះ​ផង​ដែរ​ ​សហគ្រាស​មីក្រូ​ធុន​តូច​ និង​មធ្យម​ ​អាច​​​យក​នូវ​លទ្ធផល​ដែល​ទទួល​បាន​ ​ដើម្បី​ធ្វើ​យ៉ាងណា​កែលំអ​រ​ចំ​នុ​ច​ខ្វៈ​ខាត​នានា​ដែល​ខ្លួន​មាន​ ​ក្នុង​គោលបំណង​ធានា​បាន​នូវ​ភាព​គុណភាព​ ​និង​ប្រសិទ្ធិភាព​ក្នុង​ការ​បម្រើ​សកម្មភាព​អាជីវកម្ម​របស់​ខ្លួន​ក្នុង​យុគ្គ​សម័យ​ឌី​ជី​ថល​។​

​មុននឹង​បញ្ចប់​ ​លោក​សង្ឃឹម​ថា​ ​សិក្ខាសាលា​នៅ​ក្នុងថ្ងៃនេះ​នឹងបាន​ជា​ធាតុ​ចូល​មួយ​ដ៏​សំខាន់​សម្រាប់​សិក្ខាកាម​ក្នុង​ការ​វាស់វែង​អំពី​ចំណេះ​ដឹង​ ​និង​ក​ម្រិ​ត​សន្តិសុខ​បច្ចេកវិទ្យា​គមនាគមន៍​ ​និង​ព័ត៌មាន​របស់​អង្គភាព​ខ្លួន​ ​ដើម្បី​ដាក់​ចេញ​ជា​វិធានការ​ណ៍​ចាំបាច់​នានា​ក្នុង​ពេល​អនាគត​៕​

 

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.