September 25, 2021

Language:

CamSA21-35: ចំណុចខ្សោយធ្ងន់ធ្ងរបំផុតនៅក្នុង WordPress

១. ព័ត៌មានទូទៅ

នាពេលថ្មីៗនេះអ្នកស្រាវជ្រាវសន្តិសុខបច្ចេកវិទ្យាគមនាគមន៍និងព័ត៌មានបានរកឃើញនូវចំណុចខ្សោយ​ធ្ងន់ធ្ងរបំផុតមួយនៅក្នុងប្រព័ន្ធគ្រប់គ្រងវេបសាយឥតគិតថ្លៃ និងប្រភពកូដចំហរ (open-source) ដែលយើងស្គាល់ថា WordPress ។

ចំណុចខ្សោយនេះមាននៅក្នុងកម្មវិធី Plugin “WPCS – WordPress Currency Switcher” និង​ “WordPress Email Template Designer – WP HTML Mail” របស់ WordPres។ ចំណុចខ្សោយនេះអនុញ្ញាតឱ្យចោរព័ត៌មានវិទ្យា ឬហេកគ័រអាចធ្វើការ​បញ្ជោតអភិបាលគ្រប់គ្រងវេបសាយ WordPress ឱ្យបើកវេបសាយដែលបានបង្កប់កូដវាយប្រហារនឹងអាចឈាន​ទៅដល់​ការដំណើរការកូដពីចម្ងាយ (Remote Code Execution) បាន។

២.ផលិតផលដែលរងផលប៉ះពាល់

  • អ្នកដែលប្រើប្រាស់ Plugin “WordPress Currency Switcher” កំណែ 1.6  ឬក្រោមនេះ
  • អ្នកដែលប្រើប្រាស់ Plugin “WordPress Email Template Designer – WP HTML Mail” កំណែ 0.8 ឬក្រោមនេះ

៣. ផលប៉ៈពាល់

ការវាយលុកដោយជោគជ័យ នឹងអនុញ្ញាតឲ្យអ្នកវាយប្រហារធ្វើការដំណើរការកូដពីចម្ងាយ ដើម្បីធ្វើការគ្រប់គ្រងទាំងស្រុង​ទៅ​លើវេបសាយដំណើរការដោយ WordPress។

៤. ដំណោះស្រាយ

អ្នកប្រើប្រាស់ និងអភិបាលគ្រប់គ្រង ត្រូវធ្វើការអាប់ដេតទៅកាន់កំណែចុងក្រោយ ជាបន្ទាន់តាមដែលអាចធ្វើទៅបាន។

៥. វេបសាយពាក់ព័ន្ធ

 

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.