September 18, 2020

Language:

តើអ្វីទៅជា Spyware?

1.លក្ខណៈទូទៅ

Spyware គឺជាកម្មវិធីមួយដែលមានជំនួយក្នុងការប្រមូលព័ត៌មានអំពីមនុស្សម្នាក់ឬអង្គការដោយ​មិនឲ្យពួកគេមានការដឹង ខ្លួនហើយ វាអាចផ្ញើព័ត៌មានទាំងនោះទៅអ្នកផ្សេង ទៀតដោយគ្មានការយល់ព្រមពីអ្នក, ឬត្រួតពិនិត្យលើកុំព្យួទ័រអ្នក ដោយមិនឲ្យអ្នកដឹងឡើយ។ Spyware គឺត្រូវបានគេចែកចេញជាបួនប្រភេទ: System Monitors, Trojans , Adware និង Tracking Cookies។

Spyware ភាគច្រើនគឺត្រូវបានគេប្រើសម្រាប់គោលបំណងដូចជា ការតាមដាននិងការរក្សាទុកសកម្មភាព​អ្នកប្រើប្រាស់អ៊ិនធឺណិត និងបម្រើ​​ការផ្សាយពាណិជ្ជកម្ម ដែលផុសឡើង (pop-up) នៅលើកុំព្យូទ័រអ្នកប្រើប្រាស់។

2.ហានិភ័យ និងការគំរាមគំហែង

Spyware អាចប្រមូលស្ទើរតែគ្រប់ប្រភេទនៃទិន្នន័យទាំងអស់រួមទាំងពត៌មានផ្ទាល់ខ្លួនដូចជាទម្លាប់នៃការ​ចូលមើលអ៊ិនធឺណិត ការ Logចូលរបស់អ្នកប្រើប្រាស់និងព័ត៌មានគណនីធនាគារឬគណនីឥណទាន។​​Spyware ក៍អាចជ្រៀតជ្រែងទៅលើការគ្រប់គ្រងកុំព្យូទ័ររបស់អ្នកប្រើប្រាស់ ដោយតំឡើងនូវកម្មវិធីបន្ថែមឬក៍បង្វែរនូវ វិបសាយ (redirect Web browsers)។

Spyware ខ្លះអាចផ្លាស់ប្តូរការកំណត់កុំព្យូទ័រ ដែលអាចមានលទ្ធផលធ្វើអោយល្បឿនការតភ្ជាប់អ៊ិនធឺណិតយឺត, ការផ្លាស់ប្តូរដោយគ្មានការអនុញ្ញាតនៅក្នុងការកំនត់របស់ Browers ឬការផ្លាស់ប្តូរទៅការកំណត់កម្មវិធី (software setting)។

3.យុទ្ធសាស្ត្រក្នុងការទប់ស្កាត់

– ប្រើកម្មវិធីប្រឆាំងនឹង spyware (Anti-spyware)
– ត្រូវមានការប្រុងប្រយ័ត្នចំពោះអ្វីដែលអ្នកទាញយកចូលទៅក្នុងកុំព្យូទ័រ
– អានកិច្ចព្រមព្រៀងអាជ្ញាបណ្ណ
– ប្រុងប្រយ័ត្ននៃការចុចទៅលើការផ្សាយពាណិជ្ជកម្ម
– ធ្វើបច្ចុប្បន្នកម្មកម្មវិធី Internet Browsers របស់អ្នក
– ធ្វើការស្កេនកុំព្យូទ័ររបស់អ្នកអោយទៀងទាត់

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.