March 19, 2024

Language:

ការណែនាំលក្ខណៈបច្ចេកទេសចំពោះមេរោគចាប់ជំរិត Petya/Petna

ព័ត៌មានទូទៅ

កាលពីម្សិលមិញនេះ ការិយាល័យឆ្លើយតបបញ្ហាបន្ទាន់នៃកុំព្យូទ័រ​ (CamCERT)​ បានចេញសេចក្តីជូនដំណឹងអំពីការរីករាលដាលនៃមេរោគចាប់ជំរិត​ Petya​​ នៅជុំវិញពិភពលោក។ មេរោគនេះវានឹងធ្វើការវាយលុកទៅលើ Window’s Master Boot Record (MBR)​ ដែលធ្វើឲ្យប្រព័ន្ធកុំព្យូទ័រមិនដំណើរការ។

ព័ត៌មានលំអិតនៃមេរោគ

១. ការរីករាលដាលនៃមេរោគ

យោងទៅតាមក្រុមហ៊ុន​ Palo Alto Networks​ បានឲ្យដឹងថា​ មានការកត់សំគាល់ឃើញថា មេរោគនេះវាបានឆ្លងទៅលើសូហ្វវែរពន្ធដារនៅក្នុងប្រទេសអ៊ុយក្រែន​ (Tax Software) ហើយចែកចាយមេរោគ​ Petya/Petna DLL  តាមរយៈការអាប់ដេតនៅក្នុងថ្ងៃទី២៧ ខែមិថុនា​ ឆ្នាំ២០១៧។

២. ការតម្លើងខ្លួន (មេរោគ)​ នៅក្នុងកុំព្យូទ័រ

Petya/Petna រីករាលដាលតាមរយៈ​ DLL file​ ដែលទាមទារឲ្យមានដំណើរការពី process ផ្សេងទៀតដើម្បីធ្វើការវាយលុកចូលទៅក្នុងប្រព័ន្ធ។

បន្ទាប់ពីវាដំណើរការហើយនោះ វាបានធ្វើការកែប្រែទិន្នន័យនៅលើ​ Window’s Master Boot Record (MBR) ។ បន្ទាប់ពី reboot កុំព្យូទ័រ វានឹងបង្ហាញនូវសារបង្ហាញពីការព័ត៌មាននៃការចាប់ជម្រិត ហើយត្រូវការឲ្យជនរងគ្រោះបង់ប្រាក់ចំនួន ៣០០ដុល្លាជា BitCoin ទៅឲ្យឧក្រិដ្ឋជនដើម្បីទទួលបានឯកសាររបស់ខ្លួនមកវិញ  (decrypt)។ ក៏ប៉ុន្តែ អស័យដ្ឋានអីុម៉ែលរបស់ឧក្រិដ្ឋជនដែលប្រើប្រាស់ដើម្បីទំនាក់ទំនងត្រូវបានបិទ​ (shut down) ហើយអ្នកប្រើប្រាស់គឺមិនអាចទទួលនូវឯកសាររបស់ខ្លួនមកវិញឡើយបន្ទាប់ពីធ្វើការបង់ប្រាក់។

 

៣. ដំណើរការនៃមេរោគ

Petya/Petna ប្រើប្រាស់នូវ​ Management Instrumentation Command-line(WMIC) tool​ ក្នុងការបង្កើតការតភ្ជាប់ (connections) ទៅកាន់ម៉ាសីុនកុំព្យូទ័រនៅក្នុង​ local subnet ហើយព្យាយាមដំណើរការខ្លួនវាពីចម្ងាយនៅលើម៉ាសីុនកុំព្យូទ័រទាំងនោះ។

Petya/Petna ប្រើប្រាស់ EXTERNALBLUE exploit នៅលើ local subnet ដើម្បីរីករាលដាលខ្លួនវាបន្តទៅកាន់ម៉ាសីុនកុំព្យូទ័រដទៃទៀត។ ចំនុចខ្សោយនេះកើតមានបាន ដោយសារតែ SMB version 1 server​ ដែលមាននៅក្នុងជំនាន់ជាច្រើននៃប្រព័ន្ធប្រតិបត្តិការវិនដូរទទួលយក​ (accepting) នូវ crafted packets ពីអ្នកវាយប្រហារ ដែលអាចអនុញ្ញាតឲ្យមានការ ដំណើរការកូដនៅលើកុំព្យូទ័រនោះ។

Petya/Petna ធ្វើការស្កេន​បណ្តាញផ្ទៃក្នុង (local network) ដើម្បីធ្វើការវាយលុកបន្ត។ បន្ទាប់មកវានឹងធ្វើការចំលងខ្លួនវា និងដំណើរការមេរោគដោយប្រើប្រាស់​ PSEXEC ។

ប្រព័ន្ធដែលទទួលរងផលប៉ៈពាល់

  • Windows 10
  • Windows RT 8.1
  • Windows 8.1
  • Windows 7
  • Windows XP
  • Windows Vista
  • Windows Server 2016
  • Windows Server 2012 and Windows Server 2012 R2
  • Windows Server 2008 and Windows Server 2008 R2

អនុសាសន៍ណែនាំ

ការិយាល័យឆ្លើយតបបញ្ហាបន្ទាន់នៃកុំព្យូទ័រសូមធ្វើការណែនាំចំនុចដូចខាងក្រោមដើម្បីសុវត្ថិភាពប្រព័ន្ធរបស់អ្នកៈ

  • សូមធ្វើការអាប់ដេតប្រព័ន្ធប្រតិបត្តិការរបស់អ្នកឲ្យដល់ជំនាន់ចុងក្រោយ ជាពិសេសនោះគឺ MS17-010
  • អាប់ដេតកម្មវិធី​ Anti-virus របស់អ្នក
  • ធ្វើការថតចំលងទុក (full backup)  ហើយទុកដាច់ដោយឡែក​មិនភ្ជាប់ជាមួយបណ្តាញ​ (offline)
  • បិទការតភ្ជាប់ចូលទៅក្នងកុំព្យូទ័រលើ​ TCP Port 445
  • បិទចោលនូវ  services ណាដែលអ្នកមិនត្រូវការ
  • ឃ្លាំមើលទៅលើប្រព័ន្ធរបស់អ្នកដើម្បីរកមើលការសង្ស័យចំពោះសិទ្ធអ្នកប្រើប្រាស់

ឯកសារយោង

https://twitter.com/HackingDave
https://www.bleepingcomputer.com/news/security/email-provider-shuts-down-petya-inbox-preventing-victims-from-recovering-files/
https://researchcenter.paloaltonetworks.com/2017/06/unit42-threat-brief-petya-ransomware/

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.