March 28, 2024

Language:

យល់ដឹងអំពីកម្មវិធីប្រឆាំងមេរោគក្លែងក្លាយ

អ្វីទៅជាកម្មវិធីប្រឆាំងមេរោគក្លែងក្លាយ?

កម្មវិធីប្រឆាំងមេរោគក្លែងក្លាយជាកម្មវិធីដែលមានផ្ទុកមេរោគ (malware) បានបង្កើតឡើងដើម្បីលួចទិន្នន័យពីអ្នកប្រើប្រាស់ក្នុងកុំព្យូទ័រ ដែលមិនបានប្រយ័ត្នខ្លួនពីការប្រើកម្មវិធីសុវត្ថិភាពដែលគ្មានប្រភពច្បាស់លាស់។ មេរោគនេះនឹងធ្វើសកម្មភាពកែប្រែប្រព័ន្ធឲ្យមានការលំបាក ក្នុងការបិទសកម្មភាពគ្មានការអនុញ្ញាត ឬលុបកម្មវិធីមេរោគនេះពីកុំព្យូទ័រ។

តើកុំព្យូទ័ររបស់អ្នកអាចឆ្លងកម្មវិធីប្រឆាំងមេរោគក្លែងក្លាយដោយរបៀបណា?

អ្នកវាយប្រហារ ឬឧក្រិដ្ឋជន នឹងចែកចាយប្រភេទនៃមេរោគនេះតាមរយះប្រព័ន្ធស្វែងរក (Search Engines), អ៊ីម៉ែល បណ្តាញសង្គម ការផ្សាយពាណិជ្ជកម្មនៅលើអ៊ីនធឺណិត និងមេរោគផ្សេងទៀត។ ពួកគេនឹងប្រើប្រាស់វិធីសាស្រ្តកម្រិតខ្ពស់ក្នុងការវាយប្រហារអ្នកប្រើប្រាស់តាមរយះបណ្តាញសង្គម (Advance Social Engineering) និងវិធីសាស្ត្រពេញនិយមផ្សេងៗទៀតដើម្បីធ្វើការចម្លងមេរោគទៅកាន់កុំព្យូទ័ររបស់អ្នកប្រើប្រាស់។

តើធ្វើដូចម្តេចទើបដឹងថាអ្នកត្រូវបានឆ្លងមេរោគនេះ?

យើងអាចដឹងបានតាមរយះ ភាពមិនប្រក្រតីនៃការបង្ហាញសារទាក់ទងទៅនឹងសុវត្ថិភាពនៅលើអេក្រង់ និងកាស្នើសុំទិន្នន័យផ្ទាល់ខ្លួន ឬកាតឥណទាន (Credit Card) បង្ហាញឲ្យឃើញថានេះគឺជាវិធីសាស្រ្តជាក់ស្តែងភាគច្រើនបំផុតនៃការរកឃើញថាអ្នកបានឆ្លងមេរោគនៃកម្មវិធីប្រឆាំងមេរោគក្លែងក្លាយ។

តើត្រូវធ្វើដូចម្តេចដើម្បីការពារកុំព្យូទ័រអ្នកពីមេរោគនេះ?

  • ចូរប្រុងប្រយ័ត្នរាល់ការបើកតំណរភ្ជាប់ទៅកាន់វេបសាយ ឬឯកសារភ្ជាប់ជាមួយអ៊ីម៉ែលពីអ្នកផ្ញើរមកដោយមិនស្គាល់អត្តសញ្ញាណច្បាស់លាស់។
  • ធ្វើបច្ចុប្បន្នភាពកម្មវិធី និង ប្រព័ន្ធប្រតិបត្តិការឲ្យបានទៀងទាត់ជាប្រចាំឲ្យដល់ជំនាន់ចុងក្រោយបំផុត។
  • ដើម្បីទិញ ឬបន្តសេវារបស់កម្មវិធី សូមចូលទៅកាន់វេបសាយស្របច្បាប់របស់កម្មវិធីនោះផ្ទាល់ ។
  • ត្រួតពិនិត្យកាតឥណទានរបស់អ្នកសម្រាប់សកម្មភាពដែលគ្មានការអនុញ្ញាត។
  • ដើម្បីរាយការណ៍អំពីការបន្លំ (Fraud) ឬឧក្រិដ្ឋកម្មអ៊ីនធើណែតសូមទាក់ទងមជ្ឈមណ្ឌលពាក្យបណ្តឹងឧក្រិដ្ឋកម្មតាមអ៊ីនធឺណិត (https://www.ic3.gov)៕

ប្រភព:

 

***Disclaimer: CamCERT does not own the content. Our purpose is pure to help spread the awareness, tips or other information related to security to everyone. Even thought every information is true, accurate, completed and appropriate, we make no responsibility nor warranty since everything could go wrong.

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.