September 18, 2020

Language:

ការរៀបចំបណ្តាញ CSIRT នៅកម្ពុជា

រាជធានីភ្នំពេញ៖ ព្រឹកថ្ងៃព្រហស្បតិ៍ ១៣កើត ខែចេត្រ ឆ្នាំរកា នព្វស័ក ព​.ស​.២៥៦១ ត្រូវនឹងថ្ងៃទី២៩ ខែមីនា ឆ្នាំ២០១៨ នៅទីស្តីការក្រសួងប្រៃសណីយ៍និងទូរគមនាគមន៍ មានរៀបចំវេទិកាស្ដីពី “រដ្ឋាភិបាល​អេឡិកត្រូនិកកម្ពុជា-កូរ៉េ” សហការរៀបចំដោយក្រសួងប្រៃសណីយ៍និងទូរគមនាគមន៍ និងក្រសួងមហាផ្ទៃនិងសុវត្ថិភាពនៃសាធារណៈរដ្ឋកូរ៉េ។ វេទិកានេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងមានការអញ្ជើញចូលរួមពីសំណាក់ ឯកឧត្តម NAKYOUNG OH ឯកអគ្គរដ្ឋទូតសាធារណៈរដ្ឋកូរ៉េប្រចាំព្រះរាជាណាចក្រកម្ពុជា លោកស្រី Hye Young Kim តំណាងក្រសួងមហាផ្ទៃនិងសុវត្ថិភាពសាធារណៈរដ្ឋកូរ៉េ និងជាប្រធានគណៈប្រតិភូ ព្រមទាំងឯកឧត្តម លោកជំទាវ លោក-លោកស្រី ថ្នាក់ដឹកនាំក្រសួងប្រៃសណីយ៍ និងទូរគមនាគមន៍ និងតំណាងក្រសួងស្ថាប័ននានានៃរាជរដ្ឋាភិបាលកម្ពុជា ព្រមទាំងគណៈប្រតិភូកូរ៉េដែលអញ្ជីញមកពីបណ្តាក្រសួងស្ថាប័នសំខាន់ៗនៃសាធារណៈរដ្ឋកូរ៉េផងដែរ។

ព័ត៌មានលំអិតរបស់សិក្ខាសាលាសូមចូលទៅកាន់វេបសាយរបស់ក្រសួងប្រៃសណីយ៍ និងទូរគមនាគមន៍

នៅក្នុងឧិកាសនោះដែរ លោក អ៊ូ ផាន់ណារិទ្ធ (OU PHANNARITH) ប្រធាននាយកដ្ឋានសន្តិសុខបច្ចេកវិទ្យាគមនាគមន៍ និងព័ត៌មាន បានធ្វើបទបង្ហាញមួយស្តីអំពី​ “ការរៀបចំបណ្តាញឆ្លើយតបបញ្ហាបន្ទាន់នៅកម្ពុជា CSIRT Network in Cambodia” ។ ប្រធានបទនេះមានគោលបំណងដើម្បីធ្វើការបង្ហាញអំពីសកម្មភាពការងារនៃយន្តការឆ្លើយតបបញ្ហាបន្ទាន់នៅកម្ពុជា (CamCERT), ទំនាក់ទំនងអន្តរជាតិក្នុងការដោះស្រាយឧប្បទេវហេតុសន្តិសុខ ប.គ.ព. , និងការងារទៅថ្ងៃអនាគត៕

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.