February 17, 2020

Language:

CamSA19-49: ចំនុចខ្សោយថ្មីចំនួនពីរមាននៅក្នុងកម្មវិធី Internet Explorer and Microsoft Defender

១. ព័ត៌មានទូទៅ

កាលពីពេលថ្មីៗនេះ ក្រុមហ៊ុនម៉ៃក្រូសូហ្វបានចេញផ្សាយការជូនដំណឹងបន្ទាន់ស្តីពីចំនុចខ្សោយចំនួនពីរដែលមាននៅក្នុងកម្មវិធី Internet Explorer and Microsoft Defender ដែលមានលេខសម្គាល់ដូចខាងក្រោម៖

  • CVE-2019-1367: ចំនុចខ្សោយនេះកើតមាននៅពេលដែល scripting engine ធ្វើការជាមួយនឹង objects ក្នុងអង្គចងចាំ Internet Explorer ។ ចំនុចខ្សោយមួយនេះអាចអនុញ្ញាតឲ្យ មានការវាយលុកទៅលើអង្គចងចាំ ហើយការ​វាយលុក​ដោយ​ជោគជ័យ​ទៅលើ​ចំណុច​ខ្សោយ​នេះ​ គឺ​អាច​អនុញ្ញាត​ឱ្យ​អ្នក​វាយប្រហារអាច​ដំឡើង​កម្មវិធី​​ ​បើក​មើល​ផ្លាស់​ប្តូរ​ ឬលុប​ទិន្នន័យ​ ឬបង្កើត​គណនី​ថ្មី​ជាមួយ​សិទ្ធិ​ជាអភិបាល (Administrator)
  • CVE-2019-1255: ចំនុចខ្សោយនេះកើតមាននៅពេលដែលកម្មវិធី Microsoft Defender ធ្វើការជាមួយ File មិនបានត្រឹមត្រូវ។ ការ​វាយលុក​ដោយ​ជោគជ័យ​ទៅលើ​ចំណុច​ខ្សោយ​នេះ​ គឺ​អាច​អនុញ្ញាត​ឱ្យ​អ្នក​វាយប្រហារបិទនូវដំណើរកម្មវីធី  system binaries មិនឱ្យអ្នកប្រើប្រាស់ដំណើរការបាន។

២. ផលិតផលដែលរងផលប៉ះពាល់

  • កម្មវិធី Internet Explorer កំណែ 9, 10 និង 11
  • កម្មវិធី Microsoft Defender កំណែចាប់ពី 1.1.16400.2 ចុះក្រោម

៣. ផលវិបាក

ការវាយប្រហារដោយជោគជ័យទៅលើចំនុចខ្សោយទាំងនោះ អាចអនុញ្ញាតឲ្យអ្នកវាយប្រហារធ្វើការដំណើរការនូវកូដនានាពីចម្ងាយ ហើយធ្វើការគ្រប់គ្រងទៅលើម៉ាស៊ីនទាំងនោះដើម្បីធ្វើសកម្មភាពមិនអនុញ្ញាតនានា ដោយរួមមានការតំឡើងកម្មវិធី បង្កើតនូវគណនីអភិបាលផ្សេងទៀត និងការបើក ផ្លាស់ប្តូរ ឬលប់ទិន្នន័យនានា។

៤. អនុសាសន៍ណែនាំ

អ្នកប្រើប្រាស់ និងអភិបាលគ្រប់គ្រងប្រព័ន្ធត្រូវតែធ្វើការអាប់ដេតជាបន្ទាន់ដើម្បីការពារពីការវាយប្រហារខាងលើនេះ។

៥. ព័ត៌មានពាក់ព័ន្ធ

  • https://www.us-cert.gov/ncas/current-activity/2019/09/23/microsoft-releases-out-band-security-updates
  • https://portal.msrc.microsoft.com/en-US/security-guidance/advisory/CVE-2019-1367
  • https://portal.msrc.microsoft.com/en-US/security-guidance/advisory/CVE-2019-1255

 

 

 

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.