April 25, 2019

Language:

ស្វែងយល់អំពីយន្តការឆ្លើយតបបញ្ហាបន្ទាន់នៃកុំព្យូទ័រ​ (CSIRTs)

រាជធានីភ្នំពេញ៖ កាលពីថ្ងៃទី២៥ ខែមីនា ឆ្នាំ២០១៩ លោក គឹម អាន ប្រធានការិយាល័យឆ្លើយតបបញ្ហាបន្ទាន់នៃកុំព្យូទ័រ​ (CamCERT) នៃនាយកដ្ឋានសន្តិសុខបច្ចេកវិទ្យាគមនាគមន៍ និងព័ត៌មាន​ នៃអគ្គនាយកដ្ឋានបច្ចេកវិទ្យាគមនាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍ ត្រូវបានអញ្ជើញឲ្យចូលរួមជាវាគ្មិន ដើម្បីធ្វើបទបង្ហាញអំពីយន្តការនៃការឆ្លើយតបបញ្ហាបន្ទាន់ (CSIRTs) នៅវិទ្យាស្ថានជាតិប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន (NIPTICT) ជូនដល់អ្នកចូលរួមប្រមាណជា ៤០រូបមកពីក្រសួង-ស្ថាប័នផ្សេងៗ។

 

គោលបំណងនៃបទបង្ហាញគឺដើម្បីចែករំលែកចំណេះដឹង និងបទពិសោធន៍ការងាររបស់ការិយាល័យ CamCERT និងស្វែងយល់អំពី៖
– មូលដ្ឋានគ្រឹះនៃសន្តិសុខព័ត៌មាន (Overview of Information Security)
– ហានិភ័យដែលអាចកើតមានឡើងតាមរយៈអ៊ិនធឺណិត (Security Incident)
– អត្ថប្រយោជន៍នៃក្រុមការងារ CSIRT រួមទាំងប្រតិបត្តិការ និងនីតិវិធីនៃការដោះស្រាយបញ្ហាឧប្បទេវហេតុដែលកើមានឡើង (Building CSIRT Team)