July 17, 2019

Language:

កិច្ចប្រជុំប្រចាំឆ្នាំ២០១២និងសិក្ខា សាលារបស់ក្រុមការងារ APCERT

ក្រុមការងារទប់ទល់បញ្ហាបន្ទាន់អាស៊ីប៉ាស៊ីភិច (APCERT) ត្រូវបានបង្កើតឡើងក្នុងឆ្នាំ២០០៣ សម្រាប់កិច្ចសហប្រតិបតិ្តការរវាងក្រុមការងារ CERTs នៅក្នុងតំបន់អាស៊ីប៉ាស៊ីភិច។ ដើម្បីរក្សាបាននូវទំនាក់ទំនងដ៏ទុកចិត្តមួយ APCERT បានរៀបចំនូវកិច្ចប្រជុំទូទៅប្រចាំឆ្នាំ (AGM) ដោយភ្ជាប់ជាមួយនឹងសិក្ខាសាលាចាប់តាំងពីឆ្នាំ២០០៤មកម្លេះ។

សម្រាប់ឆ្នាំ២០១២នេះ សិក្ខាសាលានិងកិច្ច្បបជុំប្រចាំឆ្នាំត្រូវបានប្រារព្វឡើងនៅ Bali ប្រទេសឥណ្ឌូនេស៊ី ចាប់ពីថ្ងៃទី ២៥ ដល់ថ្ងៃទី២៨ ខែមិនា⁣ ឆ្នាំ២០១២ ហើយត្រូវបានទទួលរៀបចំដោយ ក្រុមការងារសន្តិសុខ ឥណ្ឌូនេស៊ី (Indonesia Security Incident Response Team on Internet Infrastructure/Coordination Center – Id-SIRTII/CC)។

ដោយសារតែប្រទេសនៅក្នុងតំបន់អាស៊ីប៉ាស៊ីភិចកំពុងតែផ្តោតការយកចិត្តទុកដាក់ទៅលើការអភិវឌ្ឍន៍ និងប្រើប្រាស់នូវ “Web 2.0” ដែលគឺជាជំនាន់បន្ទាប់នៃពិភពអ៊ិនធឺណែតដោយរួមមាន web-based communities, web applications, social networking sites, video-sharing sites, wikis, and blogs ប្រធានបទនៅក្នុងឆ្នាំនេះ គឺ “ការសំអាតមជ្ឈដ្ឋានអិនធឺណែត – Cleaning Cyber Environment” ដោយចែកចេញជាបីផ្នែកធំៗគឺ៖

១. សិក្ខាសាលា កិច្ចប្រជុំក្រុមការងារ និងការពិភាក្សាផ្ទៃក្នុងរបស់សមាជិកនៃ APCERT

២. កិច្ចប្រជុំប្រចាំឆ្នាំនៃសមាជិកទាំងអស់ (Annual General Meeting)

៣. សិក្ខាសាលាចំហរសម្រាប់រាល់ភាគីដែលត្រូវបានអញ្ជើញទាំងអស់

ក្រុមការងារជាតិកម្ពុជាទប់ទល់នឹងបញ្ហាបន្ទាន់នៃកុំព្យូទ័រ (CamCERT) ដែលមានលោក អ៊ូ ផាន់ណារិទ្ធ ប្រធានក្រុមការងារ ត្រូវបានចាត់តាំងឲ្យទៅចូលរួមក្នុងកិច្ចប្រជុំខាងលើនេះ ដោយលោកបានលើកយក បទបង្ហាញស្តីពីបច្ចុប្បន្នភាព នៃដំណើរការវិវត្តន៍នៃក្រុមការងារ CamCERT ប្រចាំឆ្នាំ២០១១។

រូបភាពសកម្មភាព

[gdl_gallery title=”APCERT2012″ width=”120″ height=”100″ ]