១. ព័ត៌មានទូទៅ
ក្រុមហ៊ុន Cisco បានបញ្ចេញបច្ចុប្បន្នភាពសន្ដិសុខដើម្បីជួសជុលចំណុចខ្សោយក្នុងផលិតផលរបស់ខ្លួនមួយចំនួនដែលមាននៅក្នុងកម្មវិធី Cisco AsyncOS ដែលជាកម្មវីធីសម្រាប់ការពារសុវត្ថិភាពអ៊ីម៉ែល(Cisco Email Security Gateway, Secure Email and Web Manager) ។ ហេកគ័រអាចប្រើចំណុចខ្សោយទាំងនេះដើម្បីលួចចូលពីចម្ងាយនិងគ្រប់គ្រងប្រព័ន្ធដែលរងផលប៉ះពាល់បាន។ អ្នកប្រើប្រាស់ និងអ្នកគ្រប់គ្រងប្រព័ន្ធគួរត្រួតពិនិត្យអត្ថបទប្រឹក្សាខាងក្រោមនិងធ្វើបច្ចុប្បន្នភាពតាមការចាំបាច់៖
- CVE-2025-20393: ចំណុចខ្សោយនេះមាននៅក្នុង Cisco Secure Email Gateway And Cisco Secure Email and Web Manager ដោយសារតែកម្មវិធីមិនបានធ្វើការត្រួតពិនិត្យឱ្យបានត្រឹមត្រូវនៅពេលអ្នកប្រើប្រាស់ធ្វើការបញ្ចូលព័ត៌មាន ដែលអាចអនុញ្ញាតឱ្យចោរព័ត៌មានវិទ្យាឬហេកគ័រ ធ្វើការផ្ញើសំណើពិសេសមួយចំនួន និងធ្វើប្រតិបត្តិកូដបំពាននៅលើប្រព័ន្ធបណ្តាញដែលជាគោលដៅបានដោយជោគជ័យ។
២. ផលិតផលដែលរងផលប៉ះពាល់
- Cisco Email Security Gateway
- Cisco AsyncOS Software Release 14.2 and earlier (Fixed in 15.0.5-016)
- Cisco AsyncOS Software Release 15.0 (Fixed in 15.0.5-016)
- Cisco AsyncOS Software Release 15.5 (Fixed in 15.5.4-012)
- Cisco AsyncOS Software Release 16.0 (Fixed in 16.0.4-016)
- Secure Email and Web Manager
- Cisco AsyncOS Software Release 15.0 and earlier (Fixed in 15.0.2-007)
- Cisco AsyncOS Software Release 15.5 (Fixed in 15.5.4-007)
- Cisco AsyncOS Software Release 16.0 (Fixed in 16.0.4-010)
៣. ផលប៉ៈពាល់
ការវាយប្រហារដោយជោគជ័យទៅលើចំនុចខ្សោយខាងលើនេះ អាចអនុញ្ញាតឱ្យចោរព័ត៌មានវិទ្យា ឬហេកគ័រ ដំណើរការនូវកូដនានាពីចម្ងាយហើយធ្វើការគ្រប់គ្រងទៅលើម៉ាស៊ីនរងគ្រោះ ដើម្បីធ្វើសកម្មភាពមិនអនុញ្ញាតនានា រួមមានការដំឡើងកម្មវិធី បង្កើតនូវគណនីអភិបាលផ្សេងទៀត និងការបើកផ្លាស់ប្តូរ ឬលុបទិន្នន័យ។
៤. ដំណោះស្រាយ
ការិយាល័យ CamCERT សូមធ្វើការណែនាំដល់អ្នកប្រើប្រាស់ សូមធ្វើបច្ចុប្បន្នភាពកម្មវិធីដែលបានរងផលប៉ះ-ពាល់ខាងលើជាបន្ទាន់ទៅកាន់កំណែចុងក្រោយបំផុត (Latest version)។
៥. ឯកសារពាក់ព័ន្ធ
- https://thehackernews.com/2026/01/cisco-patches-zero-day-rce-exploited-by.html
- https://sec.cloudapps.cisco.com/security/center/content/CiscoSecurityAdvisory/cisco-sa-sma-attack-N9bf4
