August 14, 2020

Language:

CamSA19-29: ចំនុចខ្សោយធ្ងន់ធ្ងរបំផុតនៅក្នុង Exim Mail Transfer Agent (MTA)

១. ព័ត៌មានទូទៅ

កាលពីពេលថ្មីៗនេះ​ មានចំនុចខ្សោយធ្ងន់ធ្ងរបំផុត (critical) មួយត្រូវបានរកឃើញនៅក្នុងកំណែជាច្រើន នៃ Exim mail transfer agent (MTA) software ដែលត្រូវបានប្រើប្រាស់ដោយ mail server ជាច្រើនក្នុងពេលបច្ចុប្បន្ននេះ។ MTA មានមុខងារក្នុងការបញ្ជូនអ៊ីម៉ែលពី senders ទៅកាន់ recievers ឬ recipients។

ចំនុចខ្សោយនេះត្រូវបានដាក់លេខកូដ CVE-2019-10149 (ពិន្ទុ ៩,៨ លើ ១០) ត្រូវបានរកឃើញនៅក្នុងកំណែចាប់ពី V4.87 រហូតដល់ 4.91 ។ ចំនុចខ្សោយនេះ អាចអនុញ្ញាតឱ្យអ្នកវាយប្រហារធ្វើការបញ្ជូននូវ malicious emails ទៅកាន់ម៉ាស៊ីនមេដែលមានចំនុចខ្សោយនោះ ហើយដំណើរការនូវពាក្យបញ្ជា ឬកូដនៅលើម៉ាស៊ីនមេនោះ ជាមួយនឹងសិទ្ធជា root រួចធ្វើការគ្រប់គ្រងទាំងស្រុងទៅលើប្រព័ន្ធតែម្តង។

២. ផលិតផលដែលរងផលប៉ៈពាល់

គ្រប់កំណែនៃ Exim ចាប់ពី 4.87 រហូតដល់ 4.91 ។

៣. ផលវិបាក

នៅពេលដែលវាយលុកជោគជ័យ អ្នកវាយប្រហារអាចធ្វើការគ្រប់គ្រងទៅលើម៉ាស៊ីនមេនោះទាំងស្រុង ហើយវាមានភាពងាយស្រួលបំផុតក្នុងការជ្រៀតចូលទៅកាន់ហេដ្ឋារចនាសម្ព័ន្ធម៉ាស៊ីនមេដទៃទៀតផងដែរ។

៤. អនុសាសន៍ណែនាំ

អភិបាលគ្រប់គ្រងប្រព័ន្ធដែលកំពុងដំណើរការ Exim Internet mailer ត្រូវតែធ្វើការអាប់ដេតជាបន្ទាន់ ទៅកាន់កំណែលេខ 4.92។

. ព័ត៌មានលម្អិតពាក់ព័ន្ធ

https://www.exim.org/static/doc/security/CVE-2019-10149.txt
https://nvd.nist.gov/vuln/detail/CVE-2019-10149
https://www.qualys.com/2019/06/05/cve-2019-10149/return-wizard-rce-exim.txt
https://www.bleepingcomputer.com/news/security/millions-of-exim-mail-servers-exposed-to-local-remote-attacks/

***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.